تحشيشات على الافلام الاجنبيه

شلونكم اخواني حبيت بس شويه نحشش على الافلام ونشوف شلون تصير لو غيرنه بالسيناريو مالتها شويه

سيد الخواتم

اول شي لو هذا غاندالف (الساحر الابيض) ماخذ الخاتم من هذا المكرود القزم ورايح شايف اله طير وطاير بي و راح ذب الخاتم بالبركان مو جان خلصنه من جزئين وما جان عالم هلكد تكتلت وتذبحت وهذا القزم جد جده انسمط لي حد ما وصل

ماتركس

بويه نيو ذبحته وشكيتنه شكتين اكو واحد يكتل عشرين واحد بضربه وحده ساسوكي انته المهم لو من الجزء الاول رايح طاير للمدينه مال الالات ومفجرها مو جان احسن مما بقيت 3 اجزاء بس تتعارك ويه الوادم شبيك مسودن خو ما مسودن انته وهاي العرافه جنها خبزه محروكه

جيمس بوند

هذا خوب طركاعه هلكنه ميت الف جزء بس يتعارك ويه الروس بويه روسيا راحت وخلصت متكلي شبيك وياهم هلنوب سياره هيه تطير هيه تنزل بالماي تصير غواصه يطلعها راسا تنشف وحدها تضرب صواريخ تدخل بالدبابه تطع من الجهة الثانيه ادري متكلي شنيه

روكي

سلفستر ستالون هلكنه تكول محد يعرف يتلاكم غيره بس هوه مو صوجه صوج هذا الروسي اللي تلاكم وياه شطوله بس مع الاسف طلع بوخه لو خابزه من البدايه وكاتله وحده غسل ولبس مجان هلكنه يوميه مطلع جزء جديد جان من الجزء الثالث وختمها

وين ردودكم اعضائنا العزاء

زائر

عاشت الايادي